ચીખલી તાલુકા નાં સ્યાદા ગામે દાદરી ફળીયા માં દેવ દિવાળી નાં મેળા ની પૂર્વ રાત્રે અંબા માતા નાં મંદિર નજીક ખુલ્લા માં ચકલી પોપટ નાં જુગાર ઉપર પોલીસે છાપો માર્યો હતો. જેમાં . ૬૭૫૯૦ નાં મુદ્દામાલ સાથે ૬ જુગારીયા ની ધરપકડ કરતા ચકચાર મચી હતી.
ખેરગામ પોલીસે બાતમી આધારે સ્યાદા ગામે દાદરી ફળીયા માં દેવ દિવાળી નાં મેળા ની પૂર્વ રાત્રે અંબા માતા નાં મંદિર નજીક ખુલ્લા માં ચકલી પોપટ નાં જુગાર ઉપર પોલીસે છાપો માર્યો હતો. જેમાં ચાર્જેબલ લાઈટ નાં અજવાળે પ્લાસ્ટિક નાં બેનર ઉપર છત્રી, દડો, સૂર્ય, ડોલ, પતંગ, ભમરડો, ગુલાબ, કબૂતર, સસલું જેવા ચિન્હ ઉપર પૈસા લગાવી જુગાર દાવ ઉપર નાં રૂ.૩૨૪૦, અંગ જડતી નાં રૂ.૨૧૧૦૦, તેમજ રૂ.30 હજાર ની અલ્ટો કાર નં. જીજે ૧૯ એ ૮૭૯૦, મોબાઈલ નં.૫ કિં રૂ.૧૨૫૦૦ મળી કુલ રૂ. ૬૭,૫૯૦ નો મુદ્દામાલ કબ્જે લીધો હતો.
જુગાર રમતા જુગારી આરોપી ઓ. નેવીલ અરવિંદભાઈ પટેલ (૨૭) સંજય અર્જુનભાઇ પટેલ (૩૩), જયંતિ કરશનભાઇ પટેલ (૪૮) ત્રણેય રહે. સાદડવેલ, તા.ચીખલી, સૌરભ નટુભાઈ પટેલ (૨૮) અને સુરેશ અમરતભાઈ પટેલ (૪૮) બંને રહે. વાંદરવેલા તા.વાંસદા, તેમજ રાહુલ રાજેશભાઈ પવાર (૨૧) ઉદવાડા તા. પારડી ની ધરપકડ કરી હતી. ખેરગામ પોલીસ નાં એએસઆઈ મોહનભાઇ પવાર વધુ તપાસ કરી રહ્યાં છે.
રિપોર્ટ :- અંકેશ યાદવ , (ખેરગામ)
