જુનાગઢ “એ” ડિવિઝન પોલીસે ઇ-એફઆઇઆરથી ચોરીના ગુન્હાનો પર્દાફાશ કરીને રૂ. 39,500ના કુલ 4 મોબાઇલ મળી પાડી સફળ કામગીરી આપી

જૂનાગઢ, તા. 9 મે,
જૂનાગઢ શહેરમાં મોબાઇલ ચોરીના ગુન્હામાં “એ” ડિવિઝન પોલીસ સ્ટેશનની ટીમે ઝડપી કાર્યવાહી કરી ઇ-એફઆઇઆર એપ્લિકેશનથી દાખલ થયેલ ચોરીના ગુન્હાની સફળતાપૂર્વક ઉકેલ આપી 4 મોબાઇલ ફોન મળી પાડ્યા છે, જેમની કુલ કિંમત આશરે રૂ. 39,500 થાય છે.

જણાવાયું હતું કે, જી.એમ.ઇ.આર.એસ. હોસ્પિટલના ચોથા માળે દર્દીની વોર્ડ સામે લોબીમાંથી રાહદારીનો રીયલમી કંપનીનો મોબાઇલ (રૂ. 9,500) ચોરી થઇ ગયો હતો. જેને પગલે BNS કલમ 303(2) હેઠળ ગુનો નોંધી કાર્યવાહી હાથ ધરવામાં આવી હતી.

નાયબ પોલીસ અધિક્ષક હિતેષ ધાંધલ્યા તથા પો.ઇન્સ્પેકટર આર.કે. પરમારના માર્ગદર્શન હેઠળ, સીસીટીવી ફુટેજ તથા બાતમીના આધારે ફરીદ ઉર્ફે વાસળો ફારુકશા બાનવા નામના શખ્સને ઝડપાયો હતો. આરોપીની તલાશી દરમિયાન હજુ અન્ય 3 મોબાઇલ પણ મળી આવ્યા હતા.

કબ્જે કરાયેલ મોબાઇલ:

1. રીયલમી (રૂ. 9,500)
2. રેડમી બ્લુ કલર (રૂ. 10,000)
3. ઓપો બ્લુ કલર (રૂ. 10,000)
4. વિવો બ્લેક કલર (રૂ. 10,000)

આ સમગ્ર કામગીરીમાં પો.સ.ઇ. પી.કે. ગઢવી તહેનાત છે તથા આગળની તપાસ ચાલી રહી છે.

પારિતોષિક લાયક કામગીરી કરનાર સ્ટાફ:
પો.ઇન્સ. આર.કે. પરમાર, પો.સ.ઇ. વાય.એન. સોલંકી, પી.કે. ગઢવી, એ.એસ.આઇ. બી.એ. રવૈયા, પંકજભાઇ સાગઠીયા, અને પો.કોન્સ. કલ્પેશ ચાવડા, વિક્રમ પરમાર સહિતની ટીમે સરાહનીય કામગીરી ا આપી હતી.

અહેવાલ: નરેન્દ્ર દવે સાથે જગદીશ યાદવ – જૂનાગઢ