“તેરા તુજકો અર્પણ” અરજદારો ના ગુમ થયેલ ૭ કિંમતી સામાન ના બેગ તથા ૧ અગત્યના ડોક્યુમેન્ટસની ફાઇલ કુલ કિંમત રૂ. ૨૫,૫૦૦/- નો મુદામાલ મૂળ માલીકને પરત અપાવતી જૂનાગઢ નેત્રમ શાખા.

જૂનાગઢ નેત્રમ શાખા દ્વારા વિશ્વાસ પ્રોજેક્ટ અંતર્ગત શહેરમાં ઇંન્ટોલ કરવામાં આવેલ સીસીટીવી કેમેરા મારફતે ૨૪*૭ મોનીટરીંગ કરવામાં આવે છે. અને શહેરમાં કોઇપણ બનાવ બને કે તુરંત‌ જ ડીટેક્ટ કરવા તથા ટ્રાફિક મેનેજમેન્ટ પણ કરવામાં આવે છે.

જૂનાગઢ રેન્જના આઈજી શ્રી નિલેશ જાજડીયા તથા જૂનાગઢ જિલ્લા પોલીસ વડાશ્રી હર્ષદ મહેતા તથા જૂનાગઢ હેડ ક્વા. ડી.વાય. એસ.પી. એ.એસ. પટણી ના માર્ગદર્શન હેઠળ નેત્રમ શાખા (કમાન્ડ & કંટ્રોલ સેન્ટર) પોલીસ સ્ટાફ દ્વારા અરજદારોના અલગ-અલગ વિસ્તારમાં ગુમ થયેલ ૫ કિંમતી સામાનના બેગ તથા ૧ અગત્યના ડોક્યુમેન્ટ્સની ફાઇલ CCTV કેમેરાની મદદથી શોધી મૂળ માલીકને તાત્કાલીક પરત અપાવી સુરક્ષા સાથે સેવાનું ઉત્તરદાયિત્વ નિભાવી “પોલીસ પ્રજાનો મિત્ર છે” એ સૂત્રને સાર્થક કરવામાં આવેલ છે.

૧. જૂનાગઢ ના શ્રી માધવીબેન પટેલ સમાજ, જોષીપરા થી ઓટો રિક્ષામાં બેસી આઝાદ ચોક ખાતે ઓટો રિક્ષામાંથી ઉતર્યા બાદ તેમને માલુમ થયેલ કે તેમનુ રૂ.૩,૫૦૦/- ની કિંમતનુ ચાંદીનુ બ્રેસલેટ ઓટો રિક્ષામાં જ પડી ગયેલ આથી વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV કેમેરાની મદદથી ચેક કરી માધવીબેન જે ઓટો રિક્ષામાં બેસેલ તે ઓટો રિક્ષાનો રજી નંબર GJ-25-V- 1496 શોધી, રિક્ષા ચાલકનો સંપર્ક કરી પૂછપરછ કરતા ચાંદીનુ બ્રેસલેટ તેમની પાસે હોવાનું જણાવેલ જે રીકવર કરી માધવીબેન લાઠીદ્રાને તેમનુ ખોવાયેલુ ચાંદીનુ બ્રેસલેટ ગણતરીની કલાકોમાં શોધી નેત્રમ શાખા એ પરત અપાવેલ.

૨. જૂનાગઢ ના શ્રી હિતેષભાઈ તન્ના ફરેણી ગામે શિક્ષક તરીકેની નોકરી કરતા હોવાથી સવારનાં સમયે પોતાનુ બાઇક લઇને ફરેણી જઇ રહ્યા હતા તે દરમ્યાન તેમનુ રૂ.૨,૦૦૦/- ની કિંમતના સામાનનું બેગ રસ્તામાં ક્યાક પડી ગયેલ આથી વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV ફૂટેજની મદદથી ચેક કરતા હિતેષભાઇનુ બેગ સક્કરબાગ ખાતે બાઇક પરથી પડતું જણાય આવેલ.ત્યારબાદ તુરંત જ તે બેગ એક અજાણી વ્યક્તી દ્વારા ઉઠાવી લેવાનુ CCTVમાં સ્પષ્ટ નજરે પડેલ આથી નેત્રમ શાખા દ્વારા તે અજાણ્યા વ્યક્તિનો સમગ્ર રૂટ ચેક કરી તેનો સંપર્ક કરતા બેગ તેમની પાસે હોવાનુ જણાવ્યુ જે રીકવર કરી શ્રી ‌હિતેશભાઈને પરત કરવામાં આવેલ.

૩.લીંબડી(સુરેન્દ્રનગર)નાં વતની શ્રી સંદિપભાઇ રૂદાતલા જુનાગઢ ખાતે કેન્દ્રીય વિદ્યાલયમાં પરિક્ષા આપવા માટે બસ સ્ટેશન ખાતે ઓટો રિક્ષામાંથી ઉતર્યા બાદ તેમને માલુમ થયેલ કે તેમનુ હોલટીકીટ સહિતનું રૂ.૧,૫૦૦/- ની કિંમતના સામાનનું બેગ ઓટો રિક્ષામાં જ ભુલાય ગયેલ છે. આથી વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV ફૂટેજની મદદથી ચેક કરતા સંદિપભાઇ પોતાના સામાનનું બેગ જે ઓટો રિક્ષામાં ભુલી ગયેલ તે ઓટો રિક્ષાના રજી.નં. GJ-01-DV-9543 શોધી રિક્ષા ચાલકનો સંપર્ક કરી સંદિપભાઇને તેમનુ ખોવાયેલુ બેગ નેત્રમ શાખા એ પરત અપાવેલ.

૪. જૂનાગઢ ના પ્રતીકભાઇ મોરવાડીયા ઝાંઝરડા ચોકડીથી સરદાર બાગ જતાં ઓટો રિક્ષા માથી ઉતર્યા બાદ તેમને જાણ થયેલ કે તેમનુ અગત્યના ડોક્યુમેન્ટસ સહિતનુ રૂ. ૩,૫૦૦ ની કિંમતના સામાનનું બેગ ઓટો રિક્ષામાં જ ભુલાય ગયેલ આથી વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV ફૂટેજની મદદથી ચેક કરતા શ્રી પ્રતીકભાઇ પોતાના સામાનનું બેગ જે ઓટો રિક્ષામાં ભુલી ગયેલ તે ઓટો રિક્ષાનાં રજી.નં GJ-20-W-0936 શોધી નેત્રમ શાખા દ્વારા તે ઓટો રિક્ષા ચાલક નો સંપર્ક કરી પૂછપરછ કરતા તે બેગ તેમની પાસે હોવાનું જણાવેલ જે નેત્રમ શાખા દ્વારા રીકવર કરી શ્રી પ્રતિકભાઈને પરત સોંપવામાં આવેલ.

૫. રાજકોટના શાહબાઝભાઇ મુનાફભાઇ મકરાણી જૂનાગઢમાં ગાંધીચોકથી ઓટો રિક્ષામાં બેસી ઢાલ રોડ તરફ જઇ રહ્યા હતાં ઓટો રિક્ષામાંથી ઉતર્યા બાદ તેમને માલુમ થયેલ કે તેમનુ રૂ. ૧૨,૦૦૦/- ની કિંમતના સામાનનું બેગ રસ્તામાં ક્યાંક પડી ગયેલ છે. જે બેગમાં IPhone નુ ચાર્જર, કપડા તથા અન્ય જરૂરી સામાન હતો આથી નેત્રમ શાખા દ્વારા વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV ફૂટેજની મદદથી ચેક કરતા શાહબાઝભાઇનું બેગ ચિતાખાના ચોક પાસે ઓટો રિક્ષામાથી પડતું જણાયેલ અને તે બેગ ત્યાં ઉભેલ એક ફ્રુટની લારીવાળો લેતા જણાયેલ આથી તે ફ્રુટની લારીવાળાનો સંપર્ક કરી બેગ રીકવર કરી નેત્રમ શાખા એ શ્રી શાહબાઝભાઇ મકરાણીને પરત અપાવેલ

૬. મહારાષ્ટ્ર ના વતની શ્રી ગૌરીબેન પૈઠન્કર જૂનાગઢ ખાતે ભવનાથ મંગલધામ બાપુના આશ્રમથી ઓટો રિક્ષામાં બેસી શિવ નીકેતન આશ્રમ તરફ જતા ઓટો રિક્ષામાંથી ઉતર્યા બાદ તેમને માલુમ થયેલ કે તેમનો રૂ.૩,૦૦૦/- ની કિંમતના સામાન નું બેગ ઓટો રિક્ષામાં જ ભુલાઇ ગયેલ છે આથી નેત્રમ શાખા દ્વારા વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV કેમેરાની મદદથી ચેક કરી ગૌરીબેન પૈઠન્કર જે ઓટો રિક્ષા માં બેસેલ તે ઓટો રિક્ષાનો રજી નંબર GJ-11-UU-4747 શોધી ઓટો રિક્ષા ચાલકનો સંપર્ક કરી બેગ રીકવર કરી ગૌરીબેન ને પરત અપાવેલ.

૭. ભાટીયા ગામના શ્રી તુષારભાઇ જયસુખભાઇ દુદકીયા પોતાની બાઇક લઇ જૂનાગઢમાં બસ સ્ટેશનથી મોતીબાગ તરફ જતા હતાં તે દરમ્યાન તેમની અગત્યના ડોક્યુમેન્ટસ સહિતની ફાઇલ રસ્તામાં ક્યાંક બાઇક પરથી પડી ગયેલ જે ફાઇલમાં તુષારભાઇનુ સ્કુલનું આઇડીકાર્ડ, તમામ ઓરીજનલ માર્કશીટ, ઘરના ઓરીજનલ દસ્તાવેજ જેવા ઓરીજનલ ડોક્યુમેન્ટસ હતાં આથી વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV કેમેરાની મદદથી નેત્રમ શાખા દ્વારા ચેક કરતા તુષારભાઇની ફાઇલ રાયજીબાગ ખાતે બાઇક પરથી પડતી જણાય આવેલ ત્યારબાદ તુરંત જ ત્યાંથી પસાર થતી એક અજાણીવ્યક્તિ તે ફાઇલ ઉઠાવતા CCTV માં સ્પષ્ટ નજરે પડેલ નેત્રમ શાખા દ્વારા તે અજાણ્યા વ્યક્તિનો સમગ્ર રૂટ ચેક કરી તેનો સંપર્ક કરતા તુષારભાઇની ફાઇલ રીકવર કરી શ્રી તુષારભાઇ ને નેત્રમ શાખા દ્વારા પરત સોંપવામાં આવી.

આમ જૂનાગઢ નેત્રમ શાખા દ્વારા વિશ્વાસ પ્રોજેક્ટ અંતર્ગત ઇન્સ્ટોલ કરવામાં આવેલ CCTV નો ઉત્કૃષ્ઠ ઉપયોગ કરી “તેરા તુજકો અર્પણ” કાર્યક્રમ અંતર્ગત અરજદારોના ગુમ થયેલ ૫- કિંમતી સામાનના બેગ તથા ૧-અગત્યના ડોક્યુમેન્ટસની ફાઇલ કુલ કિંમત રૂ. ૨૫,૫૦૦/- નો મુદામાલ સંબંધિત ને પરત કરેલ હતો.

આ સારી કામગીરી કરનાર અધિકારી કર્મચારી સર્વશ્રી પી.એસ.આઇ. પી.એચ.મશરૂ, એએસઆઇ.પ્રતીકભાઇ કરંગીયા, હેડ.કોન્સ.રામશીભાઇ ડોડીયા, પો.કોન્સ.સુખદેવભાઇ કામળીયા, અંજનાબેન ચવાણ, પાયલબેન વકાતર, રૂપલબેન છૈયા, દક્ષાબેન પરમાર ને જૂનાગઢ જીલ્લા પોલીસ વડાશ્રી હર્ષદ મહેતા દ્વારા સંવેદના પૂર્ણ કાર્યવાહી કરવા બદલ જીલ્લા નેત્રમ શાખા (કમાન્ડ & કંટ્રોલ સેન્ટર) પોલીસ ટીમને અભિનંદન આપેલ હતા.

અહેવાલ : નરેન્દ્ર દવે સાથે જગદીશ યાદવ (જૂનાગઢ)