ધરમપુર, તા. 14 એપ્રિલ, 2025:
વિશ્વના સર્વશ્રેષ્ઠ બંધારણના શિલ્પકાર, ભારતના પ્રથમ કાનૂન મંત્રી, શોષિતો-પીડિતો અને મહિલાઓના અખંડ અવાજ એવા મહાનયોગી ડૉ. ભીમરાવ આંબેડકરની 134મી જન્મજયંતિ ધરમપુર ખાતે ભારે ધુમધામથી ઉજવાઈ. અહીંની અનેક જગ્યાઓએ ફટાકડા ફોડી, માલાઓ પહેરાવી અને શ્રદ્ધાંજલિ આપીને કાર્યક્રમો યોજાયા.
આ અવસરે ધરમપુર નગરના માલનપાડા વિસ્તારમાં આવેલી આંબેડકર નગર ખાતે ડૉ. બાબા સાહેબની પ્રતિમાને વિધાનસભ્ય અરવિંદભાઈ પટેલ, નગરપાલિકા પ્રમુખ મયંક મોદી, ઉપપ્રમુખ ઉર્મિલા ભોયા, કારોબારી અધ્યક્ષ મહેશભાઈ ગાયકવાડ, ન્યાય સમિતિની અધ્યક્ષા રીટાબેન ગાગોડે, આરોગ્ય સમિતિ અધ્યક્ષા જયદુમતી માહલા, શિક્ષણ સમિતિના ચેરમેન નરેશ પટેલ, અને અન્ય ઘણા આગેવાનો દ્વારા પુષ્પહાર અર્પણ કરીને ભાવભીની શ્રદ્ધાંજલિ આપવામાં આવી.
સાથે સાથે આદિવાસી સમાજના યુવાનો અને આગેવાનોએ આજે ધરમપુર પોલીસ મથકે પહોંચી કથાકાર ચંદ્રગોવિંદદાસ વિરુદ્ધ લેખિતમાં રજૂઆત કરી હતી. તેમનું કહેવું છે કે કથાકાર દ્વારા ભારતના બંધારણ ઘડવૈયા સામે નફરતજનક ભાષા ઉપયોગ કરાયો હતો, જે સમાજમાં દ્વેષ પેદા કરે છે અને બંધારણીય મૂલ્યોને ઘાત પહોંચાડે છે. તેઓએ માગ કરી છે કે આવી ભાષાનો કાયદેસર કાયદો કરવામાં આવે.
આ રજૂઆત દરમિયાન કલ્પેશ પટેલ, ધીરજ પટેલ, વિજય અટારા, ઉતમ ગરાસિયા અને અનેક સમાજ આગેવાનો હાજર રહ્યા હતા. ધરમપુરના પીઆઇ નિખિલ ભોયાને આ અંગે લેખિતમાં રજૂઆત આપી વધુ તપાસ કરવા માંગ કરવામાં આવી છે.
આ સમગ્ર કાર્યક્રમ અને જવાબદાર પ્રતિસાદ વડે એક દૃઢ સંદેશો આપી શકાય છે કે દરેક નાગરિકને બંધારણ અને તેની મૂલ્યો પ્રત્યે સન્માન હોવું જોઈએ.
અહેવાલ: સુરેશ પરેરા, ધરમપુર પ્રતિનિધિ
