વડોદરા જિલ્લાના સાવલીમાં આવેલી અલ્સ્ટોમ ફેક્ટરીની રેલવે મંત્રીશ્રી અશ્વિની વૈષ્ણવે મુલાકાત લીધી હતી.
આ મુલાકાત દરમિયાન રેલવે, ઈલેક્ટ્રોનિક્સ તથા માહિતી અને પ્રસારણ મંત્રીશ્રી સાથે વડોદરાના સાંસદ ડૉ. હેમાંગ જોશી, સાવલીના ધારાસભ્ય કેતન ઇનામદાર, પશ્ચિમ અને સેન્ટ્રલ રેલવેના જનરલ મેનેજર તેમજ અન્ય ઉચ્ચ અધિકારીઓ હાજર રહ્યા હતા.
નમો ભારત કોચિઝના ઉત્પાદન વિશે પ્રસ્તુતિ આપવામાં આવી હતી.
મંત્રીએ અલ્સ્ટોમ ફેક્ટરીમાં વિવિધ કાર્યલક્ષી વિભાગોની મુલાકાત લઈને “નમો ભારત” ટ્રેનોના કોચના આધુનિક ડિઝાઇન, ઉત્પાદન પ્રક્રિયા અને ટેકનિકલ ગુણવત્તાની પ્રશંસા કરી. ફેક્ટરીમાં કામ કરતા કર્મચારીઓએ મંત્રીશ્રીને ઉત્પાદનના દરેક તબક્કાની માહિતી આપી.
ટેકનોલોજી આધારિત જાળવણી અને AI નો ઉપયોગ વધારાશે.
અલ્સ્ટોમ ટીમે જાળવણીની પ્રવૃત્તિઓ, ખાસ કરીને સેન્સર આધારિત નિવારક જાળવણી અને સપ્લાયર ઈન્ટિગ્રેશન જેવી ટેક્નિક્સ વિશે માહિતી આપી. રેલવે મંત્રીએ એવી વ્યવસ્થાઓને વધુ વિકસિત કરવા જણાવ્યું જે સેન્સર અને કૃત્રિમ બુદ્ધિનો ઉપયોગ કરે.
મેક ઇન ઇન્ડિયા, મેક ફોર ધ વર્લ્ડ દિશામાં મજબૂત પગલાં.
મંત્રીએ અલ્સ્ટોમના રોલિંગ સ્ટોક, બોગી, પ્રોપલ્શન સિસ્ટમ જેવી યુનિટ્સના વિદેશ નિકાસની પ્રશંસા કરી. આ ઉપકરણો હવે ઓસ્ટ્રેલિયા, યુકે, ફ્રાન્સ, કેનેડા, મેક્સિકો જેવા વિકસિત દેશોમાં પહોંચે છે. તેમણે કહ્યું કે “મેક ઇન ઇન્ડિયા” હવે “મેક ફોર ધ વર્લ્ડ” તરીકે સાબિત થઈ રહ્યું છે.
સ્થાનિક અર્થતંત્ર અને રોજગારીમાં ફેક્ટરીનો યોગદાન.
સાવલી ફેક્ટરીના કારણે વડોદરા જિલ્લાના યુવાનો માટે નવા રોજગારના અવસર ઊભા થયા છે. મંત્રીએ ફેક્ટરી દ્વારા ક્ષેત્રના સર્વાંગી વિકાસમાં આપેલા યોગદાનની પ્રશંસા કરી.
વિશ્વ સ્તરની પ્રતિભા વિકાસનું કેન્દ્ર બની રહ્યું છે ભારત.
અલ્સ્ટોમના અધિકારીઓએ જણાવી કે ભારતમાં કંપની પાસે લગભગ 7000 એન્જિનિયરો છે. જેમાંથી 300 જેટલા એન્જિનિયરો આંતરરાષ્ટ્રીય પ્રોજેક્ટ્સ પર કાર્યરત છે. મંત્રીશ્રીએ ગતિ શક્તિ યુનિવર્સિટી સાથે તાલીમ સહયોગની શક્યતા વ્યક્ત કરી.
કેમ્પસ બહાર તાલીમ કેન્દ્રો ઊભાં કરવાની અપીલ.
મંત્રીએ અલ્સ્ટોમને રેલવે કર્મચારીઓ માટે સ્થળ પર અને બહાર બંને રીતે તાલીમ કાર્યક્રમો રચવા વિનંતી કરી. સાથે સાથે તેમણે પશ્ચિમ રેલવેના અધિકારીઓને પણ આવા કાર્યક્રમોમાં સક્રિય ભાગીદારી માટે પ્રોત્સાહિત કર્યા.
અહેવાલ : નરેન્દ્ર દવે સાથે જગદીશ યાદવ, જૂનાગઢ
