પોલીસ મહાનિરીક્ષક ગૌતમ પરમાર સાહેબ, ભાવનગર રેન્જ તથા પોલીસ અધિક્ષક ડો. હર્ષદ પટેલ સાહેબના આદેશ મુજબ, શહેર અને ગ્રામ્ય વિસ્તારમાંથી બાકી રહેલા ચોરીના ગુન્હાઓની તપાસ ઝડપે આગળ વધારવા સ્પષ્ટ સૂચનાઓ આપવામાં આવી હતી. આ સૂચનાઓ અંતર્ગત ક્રાઇમ બ્રાન્ચના પોલીસ ઇન્સ્પેક્ટર એ.આર. વાળાના માર્ગદર્શન હેઠળની ટીમ શહેરમાં પેટ્રોલિંગમાં હતી.
તે દરમ્યાન ક્રાઇમ બ્રાન્ચને બાતમી મળી કે, લીલા કલરનું “Stay Beautiful” લખાયેલ ટી-શર્ટ તથા ગ્રે કલરની ટ્રેક પેન્ટ પહેરેલો એક શખ્સ રજીસ્ટ્રેશન નંબર પ્લેટ વગરની હીરો સ્પ્લેન્ડર મોટરસાયકલ સાથે નારી ચોકડીથી સીદસર જતા રોડ પર જય ભવાની કોલ્ડ્રીંક્સ પાસે ઉભો છે. શંકાસ્પદ લાગતા આ વાહન વિશે પોલીસ તાત્કાલિક ઘટનાસ્થળે પહોંચી હતી.
તપાસ દરમિયાન પોલીસે ત્યાંથી હિરો કંપનીની સ્પ્લેન્ડર મોટરસાયકલ (કિંમત અંદાજે ₹30,000/-) કબ્જે લીધી. મોટરસાયકલના ચેસીસ તથા એન્જિન નંબર ચેક કરતા તે વાહન તાજેતરમાં ચોરાયેલ હોવાનું બહાર આવ્યું.
📌 પકડાયેલા શખ્સની ઓળખ –
ઇરફાનબિન સાલેહબિન તમીમી (ઉંમર 36 વર્ષ)
રહે. મફતનગર, ઇબ્રાહીમ મસ્જિદ સામે, પ્રભુદાસ તળાવ, ભાવનગર
📌 આરોપીની પ્રાથમિક પુછપરછમાં બહાર આવ્યું કે,
આ મોટરસાયકલ તેણે વિક્રમભાઈ વિનોદભાઈ મકવાણા, રહે. ઠક્કરબાપા સોસાયટી, કુંભારવાડા સર્કલ, ભાવનગર પાસેથી માત્ર ₹9,000/-માં ખરીદેલી હોવાનું જણાવ્યું. પરંતુ વાહનના કોઈપણ કાગળો તેની પાસે ન હોવાનું તથા બાદમાં આપવા કહ્યાનું સ્પષ્ટ કર્યું.
📌 કાયદેસર કાર્યવાહી હેઠળ આરોપીને તથા મુદ્દામાલને વરતેજ પોલીસ સ્ટેશનમાં સોંપી આપવામાં આવ્યા છે.
આ કેસ વરતેજ પોલીસ સ્ટેશન, ગુ.ર. નં. 0233/2023, IPC કલમ 379 (મોટરસાયકલ ચોરી) હેઠળ નોંધાયો છે.
👉 આ સમગ્ર કાર્યવાહી દરમિયાન પોલીસ ઇન્સ્પેક્ટર એ.આર. વાળા તથા સ્ટાફના વનરાજભાઈ ખુમાણ, બાવકુદાન કુંચાલા, જયદિપસિંહ ગોહિલ, કેવલભાઈ સાંગા, માનદિપસિંહ ગોહિલ અને ઉમેશભાઈ હુંબલની નોંધપાત્ર ભૂમિકા રહી હતી.
📌 અહેવાલ – સતાર મેતર, સિહોર
