જૂનાગઢ, ૨૩ ફેબ્રુઆરી, ૨૦૨૫: ભવનાથ તળેટી, જૂનાગઢ ખાતે મહાશિવરાત્રીના ભવ્ય મેળાની ધમધમાટ સાથે શિવ ભક્તિની ઉમંગ વધતી જાય છે. ગિરનાર પર્વતની પાવન તળેટીમાં શિવભક્તો, સાધુ સંતો અને મહંતોની હાજરીમાં સમગ્ર પરિસર ભક્તિમય બની ગયું છે. ભક્તજનો “હર હર મહાદેવ” ના જયઘોષ સાથે તીર્થયાત્રાનું મહત્વ ઉજવી રહ્યા છે.
અન્નક્ષેત્રો: સ્વયંસેવકોની નિઃસ્વાર્થ સેવા
મહાશિવરાત્રી મેળાના મુખ્ય આકર્ષણોમાંથી એક છે અન્નક્ષેત્રો, જ્યાં લાખો ભક્તજનો માટે નિઃશુલ્ક ભોજનની વ્યવસ્થા કરવામાં આવે છે. ગિરનાર તળેટીમાં ગોરખનાથ આશ્રમ, આપા ગીગાનો ઓટલો, આઈ ખોડિયાર રાસમંડળ અને અન્ય ૧૦૦થી વધુ સ્થળોએ ૨૪ કલાક અન્નક્ષેત્ર ચાલે છે. અહીં ભક્તજનોને નિઃસ્વાર્થ ભાવથી પ્રસાદી ભોજન પીરસવામાં આવે છે.
સ્વચ્છતા અને વ્યવસ્થાપન: એક ઉદાહરણિય માદરી વ્યવસ્થા
ભવનાથ તીર્થક્ષેત્રમાં સંચાલિત તમામ અન્નક્ષેત્રોમાં કચરાના યોગ્ય વ્યવસ્થાપન અને સ્વચ્છતાની ખાસ કાળજી લેવામાં આવી છે. પીવાના પાણીની ભરપૂર વ્યવસ્થા અને કચરાપેટીઓની ઉપલબ્ધતા સમગ્ર મેળાના તંત્રને વધુ વ્યવસ્થિત બનાવે છે. જિલ્લા વહીવટી તંત્ર અને પોલીસ તંત્ર મેળાની ગતિશીલતા જાળવી રાખવા માટે સતત કાર્યરત છે.
‘હરિ હરિનો સાદ’ સાથે ભોજન પરંપરા આજે પણ જીવંત
સોરઠ ધરાનાં સંત મહંતોએ શરૂ કરેલ ‘હરિ હરિનો સાદ’ ભોજન પરંપરા આજે પણ જીવંત છે. ભવનાથ મહાદેવના દર્શનાર્થીઓ માટે ભોજનની પરંપરા એક અનિવાર્ય ભાગ બની ગઈ છે. ભોજન માટે પધારનારા ભક્તો ભક્તિભાવથી મહાદેવના નામનો જપ કરી રાસમંડળ અને આશ્રમોમાં રસોઇનું કાર્ય સકારાત્મક બનાવે છે.
વહીવટી તંત્રની સમર્પિત કામગીરી
મેળાના આયોજનમાં જિલ્લા વહીવટી તંત્ર મહત્વપૂર્ણ ભૂમિકા નિભાવી રહ્યું છે. ટોળા નિયંત્રણ, ટ્રાફિક વ્યવસ્થાપન અને સલામતી માટે વિવિધ સુરક્ષા દળો ચાંપતી નજર રાખી રહ્યા છે. જૂનાગઢના વહીવટી તંત્રના એક અધિકારીએ જણાવ્યું કે મેળાને સફળ બનાવવા માટે સ્વયંસેવકોની ભૂમિકા મહત્વપૂર્ણ છે અને તેઓની અવિરત સેવા મેળાનું શ્રૃંગાર છે.
સનાતન સંસ્કૃતિનો મહિમા અને શિવ ભક્તિની આદરભરી ઉજવણી
મહાશિવરાત્રી મેળો માત્ર ભક્તિનો ઉત્સવ નથી, પરંતુ ભારતીય સંસ્કૃતિ અને પરંપરાઓનું શ્રેષ્ઠ ઉદાહરણ પણ છે. ભક્તજનો ભોજન પ્રસાદ ગ્રહણ કરી, ભજન કીર્તનમાં ભાગ લઈ અને મહાદેવના ચરણોમાં શરણાઈ મેળવી એક અનોખી સાધના અનુભવે છે.
અહેવાલ: નરેન્દ્ર દવે અને જગદીશ યાદવ, જૂનાગઢ
