જિલ્લા કલેક્ટર શ્રી અનિલકુમાર રાણાવસિયાની અધ્યક્ષતામાં માણાવદર તાલુકાના સરપંચો સાથે સંવાદ કાર્યક્રમ યોજાયો હતો. આ સંવાદ દરમિયાન તાલુકાના વિવિધ ગામોના સરપંચોએ લોકપ્રશ્નો સહિતના વિવિધ મુદ્દાઓને રજૂ કર્યા હતા. કલેક્ટરશ્રીએ સંલગ્ન વિભાગોના અધિકારીઓને સ્થળ પર જ જરૂરી સૂચનાઓ આપી તાત્કાલિક કાર્યવાહી સુનિશ્ચિત કરી.
આ સંવાદમાં કુલ ૨૧ વિભાગોના પ્રશ્નો ચિહ્નિત કરવામાં આવ્યા હતા, જેમાં જમીન માલિકી, રોડ-રસ્તા, પાણી પુરવઠો, પુલ, ગૌચર, આરોગ્ય યોજના, સ્કૂલ બિલ્ડિંગ, નાળા-પુલિયા, આંગણવાડી મકાન, માપણી, સિંચાઈ કેનાલ જેવી બાબતોનો સમાવેશ થતો હતો.
કલેક્ટરશ્રીએ જણાવ્યું કે, “આ સંવાદ કાર્યક્રમો દ્વારા વહીવટી તંત્ર સીધું જ ગામકક્ષાએ પહોંચે છે અને પ્રશ્નોના સ્થળ પર ઉકેલથી અસરકારક પરિણામ મળતું હોય છે.”
ઉપસ્થિત રહેલા મહત્વના અધિકારીઓ/પદાધિકારીઓ:
પ્રાંત અધિકારી ગોહિલ
ધારાસભ્ય શ્રી અરવિંદ લાડાણી
મામલતદાર સહિત તાલુકા કક્ષાના અધિકારીઓ
વિવિધ ગામોના સરપંચો, કર્મચારીઓ અને અરજદારો
અત્રે ઉલ્લેખનીય છે કે, આ સંવાદ કાર્યક્રમની શરૂઆત મેંદરડા તાલુકામાંથી થઈ હતી, જેને મુખ્યમંત્રી શ્રી ભૂપેન્દ્રભાઈ પટેલે પણ બિરદાવી હતી. આગામી દિવસોમાં અન્ય તાલુકાઓમાં પણ આવા કાર્યક્રમોનું આયોજન થવાનું છે.
અહેવાલ: નરેન્દ્ર દવે સાથે જગદીશ યાદવ, જૂનાગઢ
