સુરત :
ડુમસ પોલીસ સ્ટેશન વિસ્તારમાં આવેલા ભીમપોર ગામના બાવળ ફળિયામાં રેડ કરવામાં આવી હતી. જ્યાં ચાર ઈસમો પાસેથી ભારત સરકાર દ્વારા રદ્દ કરવામાં આવેલી 500ના દરની 14 હજાર નોટ જેની કિંમત 70 લાખ અને 1000ના દરની 500 નોટ જેની કિંમત 5 લાખ મળી કુલ 14,500 નોટ જેની કિંમત 75 લાખ થાય છે. તેને ઝડપી લઈને આગળની કાર્યવાહી હાથ ધરી છે. પોલીસે જૂની ચલણી નોટો સાથે નરેશ રણછોડ પટેલ, વિનીત રજનીકાંત દેસાઈ, મોહમંદ સાદિક મોહમંદ સફી શેખ અને મનિશકુમાર મારકન્ડેયસિંહ રાજપૂતની ધરપકડ કરી છે.
ચલણી નોટોનું શું કરવાના હતા તે દિશામાં તપાસ
આઠ વર્ષ પહેલાં રદ્દ થયેલી 75 લાખની માતબર રકમની નોટો હજુ સુધી કેમ છુપાવી રાખી હતી. આ નોટોનું પકડાયેલા આરોપીઓ શું કરવાના હતા? તે દિશામાં સુરત પોલીસે તપાસ હાથ ધરી છે.
અહેવાલ:- અશ્વિન પાંડે (સુરત)
