વિસાવદર, ૨૫ એપ્રિલ ૨૦૨૫
જમ્મુ-કાશ્મીરના પહેલગામમાં થયેલા આતંકી હુમલામાં નિર્દોષ લોકોને હત્યા કરાઈ છે તે સમાચારથી આખો દેશ શોકમગ્ન છે. આવા સંજોગોમાં વિસાવદર તાલુકા સમસ્ત બ્રહ્મ સમાજ દ્વારા ભગવાન પરશુરામની જન્મજયંતિની શોભાયાત્રા મોકૂફ રાખવાનો નિર્ણય લેવામાં આવ્યો છે.
શ્રદ્ધાંજલિ અને શોકસભા:
બ્રહ્મ સમાજના પ્રમુખ ગિજુભાઈ વિકમાંએ આપેલ માહિતી અનુસાર, સમગ્ર સમુદાયે ગાયત્રી મંદિર ખાતે વિશેષ મિટીંગ બોલાવી, શોક પ્રગટ કર્યો હતો. મૌન પાળી અવસાન પામેલા નિર્દોષ લોકો માટે શ્રદ્ધાંજલિ પણ અર્પણ કરવામાં આવી હતી.
માત્ર મહાઆરતી અને પ્રાર્થના:
દર વર્ષની જેમ પરશુરામ જન્મજયંતિની ધામધૂમથી ઉજવણી અને શોભાયાત્રાનું આયોજન થઈ ગયું હતું, પણ દેશની લાગણી અને દુઃખને ધ્યાનમાં રાખી બ્રહ્મ સમાજે શોભાયાત્રા મોકૂફ રાખી છે. માત્ર મહાઆરતી અને શાંતિ માટેની પ્રાર્થના દ્વારા આ પવિત્ર દિવસ ઉજવવાનો નિર્ણય લેવાયો છે.
સમજદારીપૂર્વકનો નિર્ણય:
આ નિર્ણયથી સમાજે સંવેદનશીલતા અને માનવતાનું ઉદાહરણ પૂરું પાડ્યું છે. સમગ્ર વિસાવદર વિસ્તારમાં સમસ્ત બ્રહ્મ સમાજના આ નિર્ણયની સરાહના થઈ રહી છે.
અહેવાલ: આસીફ કાદરી, વિસાવદર
