સાત ગુન્હાઓ ઉકેલતી એલ.સી.બી.ની મોટી કાર્યવાહી – ₹1.32 લાખથી વધુનો મુદ્દામાલ કબજે કરીને પાંચ ઈસમોને ઝડપી લીધા.

ભાવનગર – જિલ્લા પોલીસની લોકલ ક્રાઇમ બ્રાન્ચે અનેક ગામો અને શહેરમાં થયેલી ઘરફોડ ચોરીઓની ઘટનાઓનો ભંડાફોડ કરતાં ભારે સફળતા મેળવી છે. જાહેર સ્થળેથી શંકાસ્પદ રીતે બેઠેલા પાંચ ઈસમોની ધરપકડ કરીને એલ.સી.બી.એ ભાવનગર અને આસપાસના વિસ્તારમાં થયેલા કુલ 7 ગુન્હાઓ ઉકેલી નાખ્યા છે. આ સમગ્ર કાર્યવાહી દરમિયાન પોલીસે રૂ. 1,32,350/-ના મુદ્દામાલ સાથે ઇસમોને ઝડપી લીધા છે.

જાહેર જગ્યામાં શંકાસ્પદ રીતે બેઠેલા ઈસમો ઝડપાયા

ભરતનગર રીંગરોડ પાસે નાયરા પેટ્રોલ પંપ નજીકના ખાંચામાં વાડી વિસ્તારમાં બાવળના ઝાડ નીચે પાંચ શખ્સો શંકાસ્પદ રીતે બેઠેલા હોવાનું મળેલી બાતમીના આધારે પોલીસે તેમને પકડી પાડી તપાસ હાથ ધરી હતી. તેઓ પાસેથી મળેલા સોના-ચાંદીના દાગીનાં અને રોકડ રકમ અંગે પુછપરછ કરતાં ચોંકાવનારા ખુલાસા થયા હતા.

શહેર અને જિલ્લામાં થયેલા ચોરીના ગુન્હાઓ ઉકેલાયા

આ ઈસમોએ વિવિધ સ્થળો પરથી – ફેક્ટરીઓ, શાળાઓ, દુકાનો, છાત્રાલય અને બંધ મકાનોમાં તોડફોડ કરીને ચોરી કર્યા હોવાની કબૂલાત આપી હતી. ચોરી થયેલા દાગીનાં અને રોકડ રકમ સહિતનાં સાક્ષી આધારે તેમણે ભવિષ્યમાં ચોરીની વધુ ઘટનાઓ કરવાની યોજના પણ ઘડી હતી.

પકડી પાડવામાં આવેલા ઈસમોના નામઃ

1. ઇબુભાઇ ઉર્ફે ઇબુડો અબરૂસીંગ મીનામા (ઉ.વ. 45)

2. કાંતિભાઇ મગનભાઇ મીનામા (ઉ.વ. 29)

3. હિમાભાઇ ઉર્ફે ઇકાભાઇ મીનામા (ઉ.વ. 23)

4. રાકેશભાઇ દિપાભાઇ મીનામા (ઉ.વ. 30)

5. સાજનભાઇ નવલસિંહ મીનામા (ઉ.વ. 29)

ફરાર આરોપીઓ:

• સોમલાભાઇ ઉર્ફે સુમલો કટારા

• રામસિંહ ઉર્ફે રામકો પલાસ

• વસન ઉર્ફે વિષ્ણુ પલાસ

• દિલીપભાઇ ભાંભોર

કબ્જે કરાયેલ કુલ મુદ્દામાલ – ₹1,32,350/-:

• રોકડ રકમ: ₹40,500/-

• મોબાઈલ ફોન (4 નંગ): ₹15,500/-

• સોનાના દાગીના (જુદા જુદા પ્રકારના): ₹76,180/-

• ઉપકરણો (પેચીયું, સળીયો, થેલી વગેરે): નાની કિમતે

શોધી કાઢવામાં આવેલા કુલ 7 ગુન્હાઓ:

• નિલમબાગ, ભરતનગર, વરતેજ, શિહોર, ઘોઘા, મહુવા પોલીસ સ્ટેશનમાં 2022 થી 2025 દરમિયાન થયેલા ચોરીના ગુન્હાઓ ઉકેલવામાં આવ્યા.

• ચોરીની ઘટનાઓ શાળાઓ, ફેક્ટરીઓ, છાત્રાલયો, દુકાનો અને બંધ મકાનમાં થયેલી હતી.

પકડી પાડેલા ઈસમોનો ગંભીર ગુનાહિત ઇતિહાસ

આમાંથી કેટલાક ઈસમો પર પહેલાથી જ સુરત, અમદાવાદ, જામનગર, બારડોલી, પાટણ વગેરે શહેરોમાં અનેક ગુન્હાઓ દાખલ છે. તેઓના વિરુદ્ધ અગાઉ 15થી વધુ ગુન્હાઓ નોંધાયેલા હોવાનું પણ બહાર આવ્યું છે.

કાર્યવાહી કરનાર જહેમતી ટીમ:

પોલીસ ઇન્સ્પેક્ટર એ.આર. વાળાના માર્ગદર્શન હેઠળ એલ.સી.બી.ના ઘનશ્યામ ગોહિલ, વિઠ્ઠલ બારૈયા, સાગર જોગદિયા, મહેન્દ્ર ચૌહાણ, વનરાજ ખુમાણ, સંજય ચુડાસમા, અનિલ સોલંકી, કેવલ સાંગા, માનદીપસિંહ ગોહિલ, પ્રજ્ઞેશ પંડ્યા, હરપાલસિંહ ગોહિલ, હસમુખ પરમાર, હરપાલસિંહ સરવૈયા તથા નેટ્રમ કમાન્ડ ટીમનો સરાહનીય ફાળો રહ્યો.

અહેવાલ: સતાર મેતર, ભાવનગર