સુરત મહાનગરપાલિકા દ્વારા ટેક્નોલોજીનો વધતો ઉપયોગ અને સૌને સુવિધા પ્રાપ્ત થાય તેવા દાવા કરવામાં આવે છે, પરંતુ કતારગામ અને રાંદેર ઝોનમાં નાગરિકો પાણીના બિલ માટે હેરાન થઈ રહ્યા છે.
પાલિકાની ભુલ, પણ સજા નાગરિકોને?
પાલિકાના હાઇડ્રોલિક વિભાગે 20 મહિના સુધી પાણીના બિલ આપ્યા નહોતા, અને હવે મોડા બિલ સાથે વ્યાજ ઉઘરાવવાનું શરૂ કર્યું છે.
- કતારગામ ઝોનમાં 609 જોડાણના બિલ ઝોન વિભાગ દ્વારા નિયમિત અપાય છે, પરંતુ 208 એપાર્ટમેન્ટના બિલ હાઇડ્રોલિક વિભાગ 20 મહિના પછી આપી રહ્યું છે.
- લોકો સમયસર બિલ ભરવા તૈયાર છે, છતાં મોડા બિલના કારણે તેમના પર અવિશ્વાસ અને વ્યાજનો ભાર મૂકાયો છે.
વિપક્ષ અને શાસક પક્ષમાં ઘમાસાણ
ભાજપના કોર્પોરેટર ચીમન પટેલે આ મુદ્દે પાલિકાને ઘેરી, જણાવ્યું કે આનાથી 4 કરોડ જેટલી રકમ નાગરિકો પાસેથી ગેરવાજબી રીતે વસૂલવાની યોજના છે.
રાંદેર ઝોનના કોર્પોરેટર કેતન શાહે પણ આ સમસ્યાને ગંભીર ગણાવી, પાલિકાને જવાબદાર ઠેરવતા વ્યાજ માફ કરવાની માંગણી કરી.
સ્થાયી સમિતિ અને વિવાદ
સ્થાયી સમિતિના અધ્યક્ષ રાજન પટેલે કહ્યું કે, આ સમસ્યા માટે સમાધાન શોધીશું અને 100% ઉકેલ લાવશું.
આ દરમિયાન વિપક્ષના એક કોર્પોરેટરે પીએમ મોદીનો ઉલ્લેખ કરતાં વિવાદ વધ્યો અને સૌમાં ગરમાવો છવાયો.
📌 અહેવાલ: ગુજરાત બ્યુરો
