સુરતની સચિન જી.આઈ.ડી.સી.માં બરફ ફેક્ટરી પાસે રહેતા યુપીવાસી યુવક શશીકાંતસિંહ ઉર્ફે સોનુ જયસિંહ કુર્મી (ઉંમર ૨૦) શોખ માટે તમંચો સાથે ફરતો હતો, જેને પોલીસે ઝડપી લઈ ધરપકડ કરી છે.
પીઆઈ કે.એ. ગોહિલની સૂચના પર સર્વેલન્સ સ્ટાફે મહાલક્ષ્મીનગરમાં શશીકાંતસિંહના રૂમમાં છાપો મારી, ત્યાંથી ૫,૦૦૦ રૂપિયાનું હાથ બનાવટનું દેશી તમંચો, એક નંગ કારતૂસ અને મોબાઇલ ફોન જપ્ત કરવામાં આવ્યા છે.
ગત મહિને મહારાષ્ટ્રના પુનેથી સુરતમાં આવેલા શશીકાંતસિંહ સુરતના જીઆઈડીસીમાં કાપડના કારખાનામાં કામ કરતો હતો. તપાસમાં સામે આવ્યું કે, તેણે તમંચો તેના સગા કાકા પાસેથી ઉત્તરપ્રદેશથી મંગાવ્યો હતો.
સુરત પોલીસ હવે વધુ તપાસ કરી હથિયાર વ્યવસાય સાથે સંકળાયેલા અન્ય અસામાજિક તત્વોની શોધખોળમાં લાગી છે.
