સુરત :
સુરત શહેર પોલીસ કમિશનર અનુપમસિંહ ગહલૌતએ ચાર્જ સંભાળ્યો ત્યારથી સતત પોલીસ બેડામાં બદલીઓ બાબતે ચર્ચાઓ ચાલતી હતી. પરંતુ ચૂંટણીને કારણે બદલીઓ પર બ્રેક લાગેલી હતી. હવે ચૂંટણીઓ પૂરી થતાં પોલીસ કમિશનર ફુલ એક્શન મોડમાં આવ્યા છે. સુરત શહેર પોલીસ કમિશનર અનુપમસિંહ ગેહલોતે આખરે અપેક્ષા મુજબ એક સાથે 41 પોલીસ ઇન્સ્પેક્ટરની સાગમટે બદલી કરી છે.
જોકે એ સમયગાળા દરમિયાન ચૂંટણીના લીધે આચારસંહિતા હતી અને આચારસંહિતા પૂર્ણ થયા બાદ સૌ કોઈને અપેક્ષા હતી તે સુરત શહેરમાં મોટાપાયે ઉલટ ફેર એટલે કે બદલીઓ આવશે આજે એ અપેક્ષાઓ સાચી સાબિત થઈ રહી છે એકસાથે 41 પોલીસ ઇન્સ્પેક્ટરની બદલી કરવામાં આવી છે. જેમાં રાંદેર પોલીસ સ્ટેશનના પીઆઇ એ.એસ.સોનારાને sog પીઆઇ તરીકે નિમણૂક કરવામાં આવી છે. આ ઉપરાંત સલાબતપુરા, ખટોદરા, ચોક બજાર, કાપોદ્રા, અમરોલી, સરથાણા, સચિન, ગોડાદરા સહીત પોલીસ સ્ટેશનમાં પણ ફર્સ્ટ અને સેકન્ડ પીઆઇ બદલાયા છે.
અહેવાલ :- અશ્વિન પાંડે (સુરત)
