સુરતમાં ગુનાગોરીનું પ્રમાણ દિવસે ને દિવસે વધી રહ્યું છે. ત્યારે ભેસ્તાન વિસ્તારમાં ધોળા દિવસે લૂંટનો પ્રયાસ કરવામાં આવ્યો હતો. બપોરના સમયે આવેલા 3 ઈસમોએ લૂંટનો પ્રયાસ કર્યો હતો. જેથી દુકાનમાંથી પ્રતિકાર કરનારા બે વ્યક્તિના તિક્ષ્ણ હથિયારથી ગળાં કાપીને 3 પૈકી બે આરોપી નાસી જવામાં સફળ રહ્યાં હતાં. જ્યારે એક શંકાસ્પદની પોલીસે અટકાયત કરી છે.
ભેસ્તાન વિસ્તારમાં આવેલા ચાર રસ્તા પર આવેલી શાંતિનાથ જ્વેલર્સની દુકાનમાં લૂંટનો પ્રયાસ થયો હતો. બપોરના 2થી 2.30 વાગ્યાની આસપાસ 3 લૂંટારૂઓ તિક્ષ્ણ હથિયારો સાથે ઘુસી આવ્યાં હતાં. જેમણે લૂંટનો પ્રયાસ કર્યો હતો. જેથી દુકાનમાં રહેલા એક આધેડ વયના વ્યક્તિ અને કારીગર દ્વારા પ્રતિકાર કરવામાં આવ્યો હતો. જો કે, લૂંટારૂઓએ તેમના ગળા પર તિક્ષ્ણ હથિયાર ફેરવી દીધા હતાં. જેથી તેઓ બન્ને લોહીલુહાણ થઈ ગયા હતાં.
