સુરત શહેરમાં શ્વાનનો ફરી આતંક જોવા મળ્યો છે. ઘર આંગણે રમતી બે વર્ષની બાળકીને શ્વાને નિશાને લીધી હતી. બાદમાં કપાળના ભાગે બચકું ભરી લીધું હતું. જેથી બાળકીને સારવાર માટે ખસેડવામાં આવી હતી. જ્યાં તેણીને 3 જેટલાં ટાંકા આવ્યા હતાં. જો કે, શ્વાનના આતંકથી હાલ સ્થાનિકોમાં ડરનો માહોલ પેદા થયો છે. બીજી તરફ કાયદેસરની નક્કર કાર્યવાહી કરવાની માગ કરવામાં આવી રહી છે.
પાંડેસરામાં આવેલી કૈલાશ ચોકડી ખાતે આવેલી શાંતિનિતેચન નગરમાં રહેતા રાહુલ મોર્યાની બે વર્ષી દીકરી પર શ્વાને હુમલો કર્યો હતો. બાળકી હાથમાં બિસ્કિટ લઈ ઘર બહાર દાદર પરથી નીચે જ ઉતરી રહી હતી. તે દરમિયાન જ શ્વાને હુમલો કર્યો હતો. મોઢા પર આંખની પાપણની ઉપર કપાળ પર બચકાં ભર્યા હતાં. જેથી બાળકીને સારવાર માટે હોસ્પિટલ ખાતે ખસેડવામાં આવી હતી.
