🌧️ જેતપુરમાં સતત બીજા દિવસે ધોધમાર કમોસમી વરસાદ

શહેરના અનેક વિસ્તારોમાં પાણી ભરાયા, ખેડૂતોના ઉભા પાકને નુકશાનીની આશંકા

અહેવાલ: જાતે તૈયાર કરેલ | તારીખ: ૭ મે ૨૦૨૫

જેતપુર શહેરમાં આજે સતત બીજા દિવસે ધોધમાર કમોસમી વરસાદ વરસતા શહેરના અનેક વિસ્તારોમાં પાણી ભરાઈ જવાની સ્થિતિ સર્જાઈ છે. તીનબત્તી ચોક, જૂનાગઢ રોડ, સ્ટેન્ડ ચોક, ફૂલવાડી, એમ.જી. રોડ સહિતના વિસ્તારોમાં ભારે વરસાદના કારણે સામાન્ય જનજીવન પર અસર પડતી જોવા મળી છે.

આ અસમયે વરસાદના કારણે ખેડૂતોમાં ભારે ચિંતા વ્યાપી ગઈ છે, કારણ કે હાલ ખેતરમાં તલ, બાજરો, મગફળી, સોયાબીન સહિતના પાકો ઉભા છે અને વરસાદથી સીધું નુકસાન થવાની શક્યતા વધી છે.

માવઠા અને અણધાર્યા વરસાદના કારણે ખેતરોમાં પાણી ભરાવાની સ્થિતિ સર્જાઈ રહી છે, જે ઉભા પાકને સડાવવાની દિશામાં દોરી શકે છે.

હવે જો આગામી દિવસોમાં વરસાદ ચાલુ રહ્યો તો ખેડૂતોને ભારે આર્થિક નુકશાનીનો સામનો કરવો પડી શકે છે.

હવામાન વિભાગ તરફથી હજુ વધુ વરસાદની આગાહી છે કે કેમ, તેની રાહ જોવામાં આવી રહી છે.