🌿 પર્યાવરણ સંરક્ષણ એવોર્ડ 2025 – નિશાંતભાઈ મહેતાનું સન્માન

📰 ગાંધીનગર – માધવ ચેરીટેબલ ટ્રસ્ટ, કપડવંજ, બ્રહ્મ સમાજ ટ્રસ્ટ, મહેસાણા, અને અનંતા એજ્યુકેશન, ગાંધીનગરના સંયુક્ત ઉપક્રમે 27 એપ્રિલ 2025 ના રોજ ગાંધીનગર ખાતે ગુજરાત રાજ્યના 2525 શિક્ષકોને પર્યાવરણ સંરક્ષણ એવોર્ડ 2025 દ્વારા સન્માનિત કરવામાં આવ્યા.

આ એવોર્ડમાં ગીર સોમનાથના 20 જેટલા શિક્ષકોને શ્રેષ્ઠ કાર્ય માટે સન્માન મળ્યું. આમાં આંકોલવાડી કન્યા શાળાના શિક્ષક નિશાંતભાઈ એમ. મહેતાને પર્યાવરણ સંરક્ષણ એવોર્ડ 2025 મળ્યો, જે નાથળિયા ઉનેવાળ બ્રહ્મસમાજ માટે વિશેષ ગૌરવનો વિષય છે.

શિક્ષણ મંત્રી કુબેરભાઈ ડીંડોર, ગુજરાત માધ્યમિક અને ઉચ્ચતર માધ્યમિક પરીક્ષા બોર્ડના મદદનીશ સચિવ પુલકીતભાઈ જોશી, અને જી.સી.ઈ. આર.ટી.ના સચિવ ડુમરાળિયા સહીત અન્ય મહાનુભાવો દ્વારા આ એવોર્ડ એનાયત કરવામાં આવ્યા.

અહેવાલ: નરેન્દ્ર દવે, જગદીશ યાદવ, જૂનાગઢ