💥 કેસર કેરીના બોક્સ અને રોકડ રકમની ચોરીનો ભેદ ઉકેલાયો – તાલાલા પોલીસની ઝડપી કાર્યવાહિ

તાલાલા, તા. ૧૨ મે, ૨૦૨૫:
તાલાલા-સાસણ રોડ પર આવેલ કનૈયા હોટલ નજીકના કેરીના સ્ટોલમાંથી રૂ. ૨૮,૦૦૦/- ની ચોરીના ગુનાને માત્ર ગણતરીની કલાકોમાં ઉકેલી કાર્યવાહી કરતા તાલાલા પોલીસ ટીમે આરોપી મંડળી સહિત ચોરીનો મુદ્દામાલ જપ્ત કરીને વધુ તપાસ હાથ ધરી છે.

મેળવાયેલી વિગતો મુજબ, ફરીયાદી સુફીયાનભાઇ સુલેમાનભાઇ કન્નાએ પોલીસ સ્ટેશન ખાતે ફરીયાદ નોંધાવી હતી કે, તા. ૦૯ મે, રાત્રિ દરમિયાન અજાણ્યા ઈસમો તેના લાકડાની કેબીનમાંથી રોકડ રૂ. ૧૦,૦૦૦/- તથા ૧૦ કિલોની કેસર કેરી ભરેલા બોક્સ નંગ ૧૮ (કિંમત રૂ. ૧૮,૦૦૦/-) મળી કુલ **રૂ. ૨૮,૦૦૦/-**ની ચોરી કરી ગયાં હતાં.

પોલીસ ઇન્સપેકટર શ્રી જે.એન.ગઢવીના માર્ગદર્શન હેઠળ સર્વેલન્સ ટીમે ઝડપી કાર્યવાહી હાથ ધરી હતી. સી.સી.ટી.વી ફૂટેજના આધારે ગુનામાં ઉપયોગમાં લેવાયેલી સફેદ કલરની સ્વિફ્ટ કાર (GJ-03-PA-1117) ની ઓળખ કરી આરોપીની શોધખોળ શરૂ કરવામાં આવી હતી.

🔍 પકડાયેલ આરોપીઓ:

1. દિલીપભાઈ ઉર્ફે દિલો ભાણકુભાઈ શેખવા – રહે. રામામંડળ ચોક, જેતપુર
2. રેખાબેન ઉર્ફે ધપુબેન શેખવા – રહે. રામામંડળ ચોક, જેતપુર

📦 કબ્જે કરાયેલ મુદ્દામાલ:

• રોકડ રકમ – ₹૨૮,૦૦૦/-
• સ્વિફ્ટ કાર – ₹૬,૦૦,૦૦૦/-
  👉 કુલ મુદામાલ – ₹૬,૨૮,૦૦૦/-

🕵️‍♂️ આરોપીઓનો ગુન્હાહિત ઇતિહાસ:
દિલીપ શેખવા વિરુદ્ધ જુદા જુદા ૨૦થી વધુ ગુન્હાઓ નોંધાયેલ છે, જેમાં ચોરી, હુમલા અને નશાબંધી કલમોનો સમાવેશ થાય છે. તદ્દઉપરાંત રેખાબેન પણ અનેક પ્રોહીબીશન કેસોમાં આરોપી રહી ચૂક્યા છે.

👮‍♀️ સારું કામગીરી કરનાર અધિકારીઓની ટીમ:

• પો.ઇન્સ્પે. જે.એન.ગઢવી
• પો.હેડ.કોન્સ. ડી.બી.ગાધે
• એ.એસ.આઈ. આર.પી. ડોડીયા
• પો.હેડ.કોન્સ. જી.પી.મારૂ
• પો.કોન્સ. સિદ્ધરાજસિંહ પરમાર
• તથા સમગ્ર તાલાલા સર્વેલન્સ સ્ટાફ

📌 તપાસ ચાલુ છે અને આરોપીઓ વિરુદ્ધ કાયદેસર કાર્યવાહી હાથ ધરવામાં આવી રહી છે.

📝 અહેવાલ: પ્રકાશ કારાણી, વેરાવળ