📍 જુનાગઢ જિલ્લા કલેક્ટરના અધ્યક્ષસ્થાને વિસાવદરના સરપંચો સાથે લોકપ્રશ્ન સંવાદ કાર્યક્રમ

જુનાગઢ, તા.૮:
જૂનાગઢ જિલ્લાના વિસાવદર તાલુકામાં દિલ્લા કલેકટર શ્રી અનિલકુમાર રાણાવસિયાની અધ્યક્ષતામાં સરપંચ સંવાદ કાર્યક્રમ યોજાયો હતો. આ કાર્યક્રમનો મુખ્ય હેતુ તાલુકાની ગ્રામ્ય સ્તરની સમસ્યાઓનું સીધું નિરાકરણ લાવવા અને સરપંચોની માંગણીઓ સાંભળી યોગ્ય પગલાં લેવાનો રહ્યો હતો.

📌 સ્થળ: વિસાવદર પ્રાંત કચેરી
📌 હેતુ: તાલુકાના વિવિધ ગામોના વિકાસ, આધારભૂત સુવિધાઓ અને અવરોધો અંગે નીધારિત ચર્ચા

૧૬૫ જેટલાં મુદ્દાઓ પર ચર્ચા

આ સંવાદ દરમિયાન જમીન માપણી, પાળા, કોઝવે નિર્માણ, દબાણ હટાવવું, રોડ રીપેરિંગ અને રિસરફેસિંગ, એસ.ટી. બસ સ્ટોપ, પુલોનું બાંધકામ, ગૌચર જમીન, ગ્રામ પંચાયતના નવનિર્મિત ભવન, નવા રસ્તાઓ વગેરે જેવા કુલ ૧૬૫ મુદ્દાઓ ઉપર વિસ્તૃત ચર્ચા કરવામાં આવી.

🟢 ખાસ નોંધનીય છે કે, કાલસારી ગામમાં કચરું એકત્ર કરવા માટે કલેક્ટરે દસ લાખ રૂપિયાના અનુદાનની જાહેરાત કરી છે, જે લોકોને સ્વચ્છતા અને આરોગ્ય માટે મદદરૂપ થશે.

લોકકલ્યાણ માટે કાર્યશીલ અભિગમ

જિલ્લા કલેક્ટર શ્રી અનિલકુમાર રાણાવસિયા દ્વારા જણાવ્યું હતું કે, “હું લોકોના પ્રશ્નોના તાત્કાલિક ઉકેલ માટે સતત કાર્યશીલ છું. દરેક તાલુકામાં આવી જ રીતે લોકપ્રશ્ન સંવાદ કાર્યક્રમોનું આયોજન કરાશે.”

📸 સમ્માન સભા:
કાર્યક્રમમાં કલેક્ટરશ્રીનું પુષ્પગુચ્છ, શાલ અને મોમેન્ટોથી સન્માન પણ કરવામાં આવ્યું.
પ્રાંત અધિકારી શ્રી સી.પી. હીરવાણીયા, મામલતદાર, તાલુકા વિકાસ અધિકારી સહિત ઘણા અધિકારીઓ, સરપંચો અને અરજદારોએ હાજરી આપી.

અહેવાલ: નરેન્દ્ર દવે સાથે જગદીશ યાદવ, જૂનાગઢ