📰 વાંસદામાં ડ્રોન સર્વેલન્સથી ગાંજાનું વાવેતર ઝડપાયું, ₹1.30 લાખના 149 છોડ સાથે ખેડૂતની ધરપકડ!

📝 (વાંસદા) – નવસારી જિલ્લાના વાંસદા તાલુકાના આંબાપાણી ગામમાં ડ્રોન સર્વેલન્સની મદદથી ગાંજાની ખેતી ઝડપાઇ છે. નવસારી SOG ને મળેલી બાતમીના આધારે શાકભાજીની આડમાં થતી ગાંજાની ખેતીનો ભેદ ઉકેલાયો હતો.

👉 કેસની વિગત:
✔️ આરોપી: 46 વર્ષીય કાંતિલાલ પ્રતાપ પાડવી
✔️ ખેતીની જગ્યાએ: જુવાર, મગફળી, ટામેટા અને વેંગણની સાથે ગાંજાનું વાવેતર
✔️ 149 ગાંજાના છોડ (કિંમત: ₹1,30,200)
✔️ ગાંજાના સેમ્પલ FSLમાં મોકલાયા

➡️ ડ્રોન સર્વેલન્સથી ઝડપાયેલી ગાંજાની ખેતી
પોલીસે ડ્રોન દ્વારા સર્વેલન્સ કરીને ગાંજાના છોડની સ્થિતિ જાણી હતી અને બાદમાં રેડ કરીને 149 ગાંજાના છોડ જપ્ત કર્યા હતા. જો આ કેસનો ભેદ બે-ત્રણ મહિના મોડો ઉકેલાયો હોત તો ગાંજાના જથ્થાની કિંમત દસ લાખ સુધી પહોંચી શકી હોત.

➡️ NDPS એક્ટ હેઠળ ગુનો નોંધાયો
નવસારી જિલ્લા પોલીસ વડા સુશીલ અગ્રવાલ ના જણાવ્યા અનુસાર, કાંતિલાલ પ્રતાપ પાડવી સામે NDPS એક્ટ હેઠળ ગુનો નોંધાયો છે. પોલીસે આરોપી પાસેથી વધુ માહિતી મેળવવા માટે રિમાન્ડની માંગણી કરી છે.

📌 આ કેસમાં કોણે મદદ કરી હતી અને ગાંજાનું વેચાણ કોને કરવાનું હતું તે અંગેની તપાસ ચાલુ છે.

અહેવાલ – વિશાલ પટેલ, ખેરગામ