🚨 સુરત: અડાજણમાં સ્ટાર બજાર પાછળ ઝુંપડાઓમાં ભીષણ આગ, ફાયર બ્રિગેડની ટીમે સંભાળી પરિસ્થિતિ

સુરતના અડાજણ વિસ્તારમાં સ્ટાર બજાર પાછળ આવેલી ઝુંપડપટ્ટીમાં ભીષણ આગ લાગી જતા ભારે અફરાતફરી મચી ગઈ હતી. આગના ધગધગતા જ્વાળાઓ અને ધુમાડાના ગોળા દૂરથી જ દેખાઈ રહ્યા હતા, જેના કારણે સ્થાનિક લોકોમાં ભયનો માહોલ છવાઈ ગયો હતો.

આગ લાગતા ભાગદોડ મચી, ઘણા પરિવારો ખુલ્લા આકાશ હેઠળ

આગ લાગવાની સાથે જ ઝુંપડામાં રહેલા લોકો જીવ બચાવવા માટે દોડી ગયા. આગ એટલી ઝડપથી ફેલાઈ કે કેટલાક પરિવારોને પોતાનો સામાન પણ બચાવવા મળ્યો નહીં. ઘણી ઝુંપડીઓ સંપૂર્ણપણે બળી ખાખ થઈ ગઈ છે.

ફાયર બ્રિગેડની ઝડપી કાર્યવાહી, આગ કાબૂમાં

આગની જાણ થતા જ ફાયર બ્રિગેડની ગાડીઓ તાત્કાલિક ઘટનાસ્થળે પહોંચી ગઈ હતી. ફાયર ટિમે પાણીની મદદથી આગ પર કાબૂ મેળવવાની શરુઆત કરી હતી. કલાકોની જહેમત બાદ તેઓએ આગ પર નિયંત્રણ મેળવ્યું.

આગ લાગવાનું કારણ અકબંધ, તપાસ ચાલુ

હજુ સુધી આગ લાગવાનું સચોટ કારણ સામે આવ્યું નથી. પ્રાથમિક અનુમાન મુજબ શોર્ટ સર્કિટ કે ગેસ સિલિન્ડર બ્લાસ્ટની શક્યતા જણાઈ રહી છે. જોકે, ફાયર વિભાગ અને સ્થાનિક તંત્ર દ્વારા વધુ તપાસ ચાલી રહી છે.

સ્થાનિક તંત્ર સક્રિય, પ્રભાવિત લોકોને મદદ

આગથી પ્રભાવિત પરિવારોને તાત્કાલિક સહાય મળે તે માટે તંત્ર દ્વારા પ્રયાસો કરવામાં આવી રહ્યા છે. ઘટનાને લઈને આસપાસના વિસ્તારોમાં પણ ચિંતાનો માહોલ છે.

આગ અંગે વધુ વિગતોની રાહ જોવામાં આવી રહી છે.

અહેવાલ :- પરવેઝ કુરેશી (સુરત)