🚨 સુરત બ્રેકિંગ :: પુણા પોલીસે 4 કિલો ગાંજાની સાથે બે ઈસમોને ઝડપી પાડ્યા

સુરત શહેરમાં નશાના કારોબારને લગતી વધુ એક કાર્યવાહી નોંધાઈ છે. પુણા પોલીસે ગુપ્ત બાતમીના આધારે લેન્ડમાર્ક રોડ વિસ્તારેથી ગાંજાના જથ્થા સાથે બે ઈસમોની ધરપકડ કરી છે.

👮‍♂️ પુણા પોલીસની ચપ્પે ચડ્યા ગાંજા તસ્કરો

પુણા વિસ્તારમાં આવેલા લેન્ડમાર્ક રોડ પાસે મળેલી ચોક્કસ બાતમીના આધારે પોલીસએ વોચ ગોઠવી હતી. આ દરમિયાન ભગવાન મેહેણા અને સાનિયા સ્વાઈન નામના બે શખ્સો ઝડપાઈ આવ્યા, જેમના પાસેથી 4 કિલો ગાંજો મળી આવ્યો છે. પોલીસે ગાંજાની સાથે બે મોબાઈલ ફોન પણ કબજે કર્યા છે.

આ સમગ્ર મુદ્દામાલની અંદાજિત કિંમત ₹41,000 જેટલી આંકવામાં આવી છે.

🔍 કયાંથી લાવ્યા અને કોને આપવાનો હતો? તપાસ શરૂ

હવે પુણા પોલીસ દ્વારા બંને આરોપીઓની પૂછપરછ ચાલી રહી છે કે આ ગાંજો તેમણે ક્યાંથી મેળવ્યો હતો અને તેઓ કોણને સપ્લાય કરવા જઈ રહ્યા હતા. શક્ય છે કે નશાની આ ચેઇન પાછળ વધુ લોકો સંડોવાયેલા હોઈ શકે છે.

પોલીસએ આ કેસમાં NDPS એક્ટ હેઠળ ગુનો નોંધીને આગળની તપાસ હાથ ધરી છે.