🟣 જૂનાગઢ ૧૮૧ અભયમ ટીમ દ્વારા વિસાવદર ખાતે કિશોરીના બાળ લગ્ન અટકાવાયા – કાયદેસર આશ્રય અપાયો

જૂનાગઢ, તા. ૮ મે:
જૂનાગઢ જિલ્લાના વિસાવદર તાલુકાના એક ગામમાં એક જાગૃત નાગરિકની સમયસૂચક માહિતીના આધારે ૧૮ વર્ષની નીચેની કિશોરીના થનારા બાળ લગ્નને ૧૮૧ અભયમ મહિલા હેલ્પલાઈન ટીમે સમયસર રોકી દેતા વધુ એક કિશોરીના ભવિષ્યને સુરક્ષિત બનાવવામાં સફળતા મળી છે.

📞 જાગૃત નાગરિકના ફોનથી તાત્કાલિક કાર્યવાહી શરૂ
વિસાવદર તાલુકામાં થનારા બાળકનના સમાચાર મળતાંજ અભયમ કાઉન્સેલર પ્રિયંકા ચાવડા, મહિલા પોલીસ ઉજાલાબેન ખાણિયા તથા પાઈલોટ રાહુલભાઈ ઘટના સ્થળે પહોંચ્યા હતા. કિશોરીના દસ્તાવેજો અને કંકોત્રી તપાસતા ઉમર ૧૭ વર્ષની હોવાનું જણાઈ આવ્યું.

⚖️ કાયદેસર કાઉન્સેલિંગ અને સમજણ
કિશોરીના પિતાને બાળલગ્ન પ્રતિબંધક અધિનિયમ અને કાનૂની ભંગના સંભવિત પરિણામોની સમજ આપવામાં આવી. પિતાને સમજાવવામાં આવ્યું કે પુખ્ત વય પહેલાં લગ્ન કરાવવો કાયદેસર ગુનો છે.

👮‍♀️ પ્રશાસન અને પોલીસનું સહકારથી તાત્કાલિક રોકાણ
જિલ્લા બાળ સુરક્ષા એકમ, પ્રોબેશન ઓફિસર ડૉ. કિરણ રામાણી, સોશિયલ વર્કર જયેશભાઈ ચાશિયા, આઉટરીચ વર્કર અલ્પાબેન ગોહેલ, તથા વિસાવદર પોલીસ સ્ટેશનના કોનસ્ટેબલ નિર્મળભાઈ ઘટના સ્થળે પહોંચ્યા અને મક્કમ કામગીરી કરી.

🏠 કિશોરીને આશ્રય આપી આગળની કાર્યવાહી હાથ ધરાઈ
કિશોરીનું કાઉન્સેલિંગ કરતા તેણી લગ્ન કરવા ઇચ્છુક ન હોવા અને પિતા સાથે રહેવા પણ ન માંગતી હોવાની માહિતી મળી. જેથી કિશોરીને જૂનાગઢ શિશુમંગલ આશ્રમ ખાતે સુરક્ષિત આશ્રય અપાયો અને આગળની કાયદેસર કાર્યવાહી માટે તેને શિશુમંગલ સંસ્થાને સોપવામાં આવી.

🔹 સખત કાયદાનો અમલ અને સંવેદનશીલ કામગીરીથી વધુ એક જીવના ભવિષ્યને વળગાવાયું છે.

અહેવાલ: નરેન્દ્ર દવે સાથે જગદીશ યાદવ, જૂનાગઢ