*ઉના તાલુકાના ભડિયાદર ગામનો યુવક બન્યો લુંટરી દુલ્હનનો ભોગ..*
ઉના તાલુકામાં લગ્ન થતા ન્હાતા જેથી યુવકે એજન્ટ મારફત લગ્ન કરીને છેતરાયો..1.75 રૂપિયા ખર્ચીને સુરતથી લાવેલી દુલ્હન 6 દિવસ રહીને 3 તોલા સોનાના ઘરેણા સાથે પલાયન થઈ…
ભડિયાદર ગામના રામભાઇ માળવી નામના યુવકની વધુ ઉંમર થઈ જતાં લગ્ન થતું નહોતું .. રામભાઇ મુંબઈ કરિયાણાની દુકાનમાં નોકરી કરે છે.. જેથી યુવકના મોટા કાનભાઈ માળવીને ભડીયાદર ગામના જ રમેશ ટાંક નામના યુવકે સુરત એક યુવતી હોવાનુ કહી એક એજન્ટ નો સંપર્ક કરાવેલ.. સુરત એજન્ટ સાથે રામભાઇ ના મોટા ભાઈ કાનાભાઈ માળવીએ ફોન ઉપર યુવતી વિગત અને ફોટા મંગાવ્યા અને જોઇને યુવક યુવતીએ લગ્ન માટે સુરત મળવાનું નક્કી કરેલ.. જ્યાં રામભાઇ મુંબઈ સુરત આવેલા અને ભડિયાદર થી અન્ય પરિવાર ના સભ્યો ગયા.. જ્યાં યુવતીને પૈસા આપવા પડશે અને સોના ચાંદીના દાગીના ચઢાવવા પડશે તેવું જણાવેલ..બંને પક્ષોની મંજૂરીથી યુવક રામભાઇ અને દુલ્હન સીમાના હાર તોરા કરીને 1.75 લાખ આપીને લગ્નના કાગળો કરેલ.. લગ્ન બાદ સુરત થી ઉના તાલુકાના ભડિયાદર ગામે આવેલા.
લૂંટવાના ઇરાદાથી આવેલ દુલ્હન સીમા દ્વારા પોતાની માતા બીમાર હોવાનો અને સુરત જવાનું રટણ ચાલુ કરેલ..
અને 6 દિવસ બાદ દુલ્હન સીમાએ દાંતમાં દુઃખાવો થતો હોવાનું પતિ રામભાઈ માળવીને બહાનું કરેલ જેથી દુલ્હન સીમાને રામ ભાઈ ની બહેનની દીકરી બેના બેન સાથે ઉના દવાખાને સારવાર અર્થે લાવેલા. જ્યાં દુલ્હન સીમા શૌચાલયનું બહાનું બતાવીને નાસી છૂટેલા, દુલ્હનને પતિ રામભાઇના પરિવાર દ્વારા મંગળસૂત્ર અને અન્ય સોનાની ચેઇન,સોનાનો દાણો, સોનાની વીંટી અને ચાંદીની જાંજરી સહિતના 3તોલા થી વધુના સોનાના અને ચાંદીના દાગીના આપેલ એ સાથે લઈને ફરાર થઈ ગઈ, આ અંગે ભોગ બનનાર યુવકના મોટા ભાઈ કાનાભાઈ એ સુરતના દલાલ સંજય ભાઈ ( ચંદુ ભાઈ)ને ફોન કરેલ તો એજન્ટે તેમને ધમકી આપેલ કે જ્યાં ફરિયાદ કરવી હોય અને દોડવું હોય ત્યાં દોડી લે જે મારો કોઈ વાળ વાંકો નહીં કરી શકે તેવું કહેલ..
આ અંગે મહિલાની પરિવારે શોધખોળ કરતા મળી ન આવતા ઉના પોલીસ મથકે રજૂઆત કરેલ છે. હાલ ઉના પોલીસ આ અંગે તપાસ હાથ ધરેલ છે.. અન્ય બીજા કોઈ યુવક છેતરાય એ પહેલાં આવા લૂંટારુ ગેંગને પકડી પાડવા આવે જેથી અન્ય કોઈ પરિવાર છેતરપિંડી નો ભોગ બનતા અટકે..
અહેવાલ :- હુસેન ભાદરકા (ગીર-સોમનાથ)
